快捷導航
搜索
查看: 2808|回復: 11

多謝你, 你的聲音 [複製鏈接]

2010年大斑獎 2011年亞軍

發表於 2015-1-2 19:30:29 |顯示全部樓層
192906cjjjhoit9ecvt6qt.jpg

多謝你, 你的聲音多年來陪伴著我們, 捨不得, 你好好的休息休息

[img][/img]

2010年大斑獎 2011年亞軍

發表於 2015-1-2 19:54:45 |顯示全部樓層
「叮噹可否不要老」,今天在facebook上,見得最多是這句說話。摘自張敬軒得獎歌曲《青春常駐》,喚起一代人(甚至更多)的童年回憶。緊緊守護著回憶,就如叮噹守護著大雄一樣,但是,當軒仔昨晚仍在台上高唱《青春常駐》的時候,今天已經喚不回叮噹。

叮噹沉睡了。

軒仔今午特地於instagram撰文,懷念聲演叮噹的林保全——保全叔。也是熊貓博士,也是《IQ博士》的旁白員……熟悉的音樂響起,軒仔就說了:

「你一直都係叮噹,而我依家至知我係大雄。

「全叔,知道你走咗,我皺咗下眉頭,眼淚就係咁流落嚟。呢輪一味喺台上唱住『叮噹可否不要老......』,個腦入面就會出現你把聲,同埋叮噹個樣。

「我唔理,你根本就係叮噹!

「喺我嘅年代,你就係叫叮噹,而我完全唔乸知邊Q個係多拉A夢!我唔鍾意人身攻擊,所以就算我成日俾技安烚,我都唔會因為技安生得肥而叫佢『胖虎』。......因為你,令我學會善良,同相信美好嘅人,同埋事。

「由細到大,你都一直陪住我。每當我要考試溫書,我就會諗起『記憶方包』,想像如果有你喺度,你一定會俾『記憶方包』我,等我考試一百分;當我翻工、應啲我唔想嘅酬嘅時候,我就會諗起你嘅『石頭帽』,如果我有石頭帽就好喇,人哋就睇我唔到,令我可以留番喺我哋嘅世界!當我掛住一啲以前嘅事同埋人嘅時候,我就會想像你會拎棟『隨意門』出嚟俾我......你知嘛?就係呢一次又一次嘅想像,令我一步一步行到依家。

「我從來都冇諗過,原來你會有一日返咗入去個櫃桶,唔再出嚟...... 叮噹!!我係大雄吖!!!我好掛著你,你出返嚟啦好嘛?!! ...求下你......」

2010年大斑獎 2011年亞軍

發表於 2015-1-2 20:00:44 |顯示全部樓層
別了,叮噹!別了,大雄!

無綫資深配音員林保全,多年來用聲音演活了叮噹(現改稱《多啦 A夢》)一角,惜今早遽然離世;另一無綫資深配音員盧素娟,92年開始為大雄配音,比林保全先走一步,06年因腸癌病逝,大雄聲音從此成為絕響。對不少跟隨叮噹和大雄一起成長的香港人而言,恍如痛失了兩位童年好友。

06年7月,盧素娟因患癌離世,其多年戰友「叮噹」林保全而言,不僅是盧素娟演繹的經典聲音,她抗癌的堅強鬥志和精神,也將永遠長存在他心目中。當時他接受本報訪問,念及故人,曾說:「大家喺TVB做,又成日一齊配電影,好似《霸王花》裡面,佢配胡慧中,我配洪金寶,呢個圈子唔係好大,成日有工作上接觸,感情都好好。佢老、中、青角色都配得好出色,我個人最欣賞佢配《大宅門》嘅斯琴高娃,佢真係好畀心機。」

盧素娟一絲不苟的工作態度、千變萬化的配音技巧,令林保全十分佩服,更令人敬重,還是盧素娟那份堅毅不屈的精神和鬥志。

林保全說:「兩年前佢發現腸癌第三期之後開始做化療,做完第三次之後,佢話好辛苦,唔想再做,但最後都堅持落去,後來癌細胞擴散到肝、淋巴同肺部,佢一樣冇放棄,狄龍太太陶敏明弟弟係氣功師傅,一路都有同佢做氣功。今年二月尾佢病情惡化,但都仲堅持幫公司配埋三部復活節播嘅《多啦A夢》電影。」

大雄走了,叮噹也走了,也許,他們會在天堂重聚

2012年亞軍 2013年冠軍

發表於 2015-1-2 21:12:23 |顯示全部樓層
多謝GGG分亨,我都一樣,我唔知边果叫多啦A夢,我只知叮噹,叮噹漫畫書我全套也儲齊,叮噹好好休息吧,懷念你

發表於 2015-1-2 21:23:24 |顯示全部樓層
叮噹之聲,長住天家裏.每人心裏都有叮噹.机械猫叮噹常在我心間

發表於 2015-1-2 22:19:32 |顯示全部樓層
大雄。。你又偷懶呀。。。
圓圈加一点,圓圈加一点。。。
真係美好的童年回憶。。。。懷念!
叮噹。。。一路好走!

發表於 2015-1-2 22:33:08 |顯示全部樓層
好值得懷念

發表於 2015-1-2 22:33:30 |顯示全部樓層
好值得懷念

發表於 2015-1-2 22:33:53 |顯示全部樓層
好值得懷念

發表於 2015-1-3 06:57:17 |顯示全部樓層
回憶,懷念,祝一路好走
您需要登錄後才可以回帖 登錄 | 註冊

Archiver|香港釣網會

GMT+8, 2019-1-21 21:44

Powered by Discuz! X2

© 2001-2011 Comsenz Inc.

回頂部